قلب سوي دودو محمد

نظرت له بحب وقالت

بتول :-خلى بالك على نفسك لا إله إلا الله

ابتسم لها بحب وقال

مراد :-محمد رسول الله بحبك

وتحركت السياره وعادت بهم إلى الحبس

نظرت إلى السياره حتى اختفت من أمام عينيها صعدت سيارتها واتجهت إلى مكتب المحاماه الخاص بها.

……………………………………………………………

بعد مرور عام

خرجت بتول من غرفتها ببطنها المنتفخه وجلست على المقعد وأخذت طبق الفاكهه وضعته على صدرها وبدأت تأكل منه نظرت إلى مراد المنشغل بالنظر إلى جهاز الكمبيوتر الخاص به وتكلمت بضيق وقالت

-اموت واعرف انت اليومين دول لازق وشك فى اللاب توب على طول كده ليه اوعى تكون بتخونى

ابتسم لها ابتسامه هادئه وقال

مراد :-انا عيونى مش شايفه غيرك اصلا

اومأت رأسها بثقه وقالت

بتول :-عارفه بس برضه مقولتش انت بتعمل ايه

أجابها بتوضيح وقال

مراد:-بدور على شغل وكل ما الاقى واقدم ويعرفوا أن كنت مسجون قبل كده يترفض الورق

نظرت له بأستغراب وقالت

بتول :-ودور ليه على شغل انا اشتكيت ليك

نظر لها بضيق وقال

مراد :-يا سلام وهتفضلى لحد امته تشتغلى وتصرفى على البيت وانا قاعد كده لا شغله ولا مشغله أنا لازم الاقى شغل علشان اقدر اكفى ابننا اللى جاى واقدر أعيشه فى مستوى يليق بى

تنهدت بضيق وقالت

بتول :-خلاص تعالى اشتغل معايا

تكلم بعدم فهم وقال بتساؤل

مراد:-اشتغل معاكى ايه وانا ايه فهمنى فى المحاماه

اعتدلت وقالت بتوضيح

بتول :-انت مش خريج قسم محاسبه تعالى امسك حسابات المكتب على الأقل هكون مطمنه أن محدش هيسرق فلوس المكتب لانك هتخاف عليها وانا كلها شهرين وهاخد إجازة وضع وهبقى سايبه المكتب لوحده انت هتاخد بالك منه لحد ما ارجع

حرك رأسه بالرفض وقال

مراد :-لا طبعا مش هبقى جوز المدام واشتغل عندها

تكلمت بنفاذ صبر وقالت

بتول :-انت لا كده عجبك ولا كده عجبك اعملك ايه تانى بحاول اراضيك بأى طريقه وانت برضه مصمم تعمل فرق ما بينا

هب واقفا وقال بصوت مختنق

مراد :-انا هنزل اشم شوية هوا

وتركها وهبط إلى الأسفل

وضعت يدها على بطنها المنتفخه وقالت