قلب سوي دودو محمد

بتول :-مش هتقدر شكلك متعرفش أنا مين وان الداخليه مش هتسكت على اختفائى ده، وبرضاك أو غصب عنك هتسيبنى

حرك رأسه بالرفض وقال بصوت هادئ

وليد :-شكلك انتى اللى متعرفيش انا مين عموما مش هنسبق الأحداث وهخليكى تتعرفى عليا بنفسك

وتحرك بأتجاه الباب ثم استدار لها وقال

-انا هسيبك تشدى حيلك شويه علشان ابدأ معاكى انتقامى ويكون فيكى صحه تستحمل

وخرج من الباب وتركها

نظرت إلى أثره بغضب ووضعت يدها على الجرح بألم وحاولة النهوض لكن صعب عليها الأمر استسلمت للأمر الواقع وتنهدت بضيق وقالت بصوت مختنق

بتول:-يا ترى يا ماما عامله ايه دلوقتى زمانك هتموتى من القلق عليا يارب صبر قلبها لحد ما اقدر اوصلها.

………………………………………………………………

جلست على الأريكة وهى ترتدى ملابسها السوداء والدموع تنهمر من عينيها والجميع يهونوا عليها بحزن شديد

ربت على يدها بحنو وقالت

-يا حبيبتى ادعلها بالرحمه هى دلوقتى عند اللى خلقها

حركت رأسها برفض وقالت من بين شهقاتها

فاتن :-بنتى عايشه أنا قلبى بيقولى كده

حركت رأسها بحزن وقالت

-لا حولا ولا قوة الا بالله، يا حبيبتى متعمليش فى نفسك كده الداخليه نفسها أكدت أنها انضربت بالرصاص وماتت والدياب اكلت جسمها والهدوم بس اللى كانت موجوده لو هى عايشه زى ما بتقولى بقالها شهر مختفيه مظهرتش ليه، اتقبلى الأمر الواقع والحقيقه يا حبيبتى

هدرت بها بغضب وقالت بدموع

فاتن :-قولتلك بتول عايشه انا متأكده محدش يقول انها ماتت فاهمين

الجميع نظروا لها بأشفاق وظلوا بجوارها حتى غالبها النوم تركوها وغادروا البيت

نظرت حولها بالبيت ونهضت سريعا من على الأريكة وقالت بدموع

-يا لهوى راحت عليا نومه ومعملتش الاكل وزمان بتول راجعه من الشغل وعايزه تاكل

وتحركت بأتجاه المطبخ وبدأت تعد الطعام سريعا وبعد وقت انتهت ووضعت الاطباق على السفره وجلست على المقعد تنظر إلى الباب تنتظر رجوع ابنتها

وبعد وقت نظرت بالساعه وقالت بقلق

-يا ترى انتى فين يا بتول اتأخرتى كده ليه تلاقى عندها مأموريه زى كل مره هدخل اريح شويه فى أوضى لحد ما تيجى