قلب سوي دودو محمد

“قلب سوي”

“البارت الاول”

وقفت إحدى الفتيات أمام بوابة اكاديمية الشرطه بسعاده شديده نظرت لها بعدم تصديق لقد تحقق حلم حياتها وتم قبولها بهذه الكليه أمسكت الهاتف الخاص بها وأجرت اتصالا وانتظرت الرد ثم تكلمت قائله

-باركيلى يا ام بتول بنتك اتقبلت اخيرا دخلت كلية الشرطه

تعالت أصوات الزغاريد عندما استقبلت والدتها الخبر تكلمت بنفاذ صبر وقالت

بتول :-يا ماما يا حاجه نحن هنا ردى عليا طيب

ثم زفرت بضيق وأغلقت الخط ووضعت الهاتف بحقيبة يدها

ثم نظرت خلفها على الاسم المدون أعلى البوابه وتنهدت بسعاده ثم أوقفت سيارة اجره وعادت إلى المنزل

وبعد وقت هبطت من السياره واستقبالها أهالى الحاره بالتهانى

اقتربت من والدتها وأدت لها التحيه العسكريه وقالت بأبتسامه

-تمام يا فندم

احتضنتها بدموع وقالت من بين شهقاتها

فاتن :-مبروك يا بنتى اخيرا حققتى حلم ابوكى وارتاح فى نومته

ربت على ظهرها بحنو وقالت بدموع

بتول :-الله يبارك فيكى يا حبيبتى انا تحت امركم ربنا يقدرنى واخلى راسك دايما مرفوعه لفوق وتفتخرى بيا

نظرت لها بسعاده وقالت

فاتن :-انا النهارده بس حسيت أن حق ابوكى الشهيد رجع وان اتميت مهمتى معاكى زى ما ابوكى كان عايز بالظبط

قبلت يدها بحب وقالت

بتول :-انتى أعظم ام فى الدنيا واللى انا وصلت ليه ده كله بسببك وبسبب دعواتك ليا

اقتربت إليها إحدى الجيران المقابله لهم وقالت

-مبروك يا بتول يا حبيبتى اوعى تتكبرى علينا بقى لما تلبسي البدله

ابتسمت لها وقالت بنبره هادئه

بتول :-مين يتكبر عليكم أنا !! انتى متعرفنيش ولا ايه يا طنط ده انتوا اللى مربينى

ردت عليها بسعاده وقالت

-ربنا يبارك فيكى ويحميكى يا بنتى

اقتربت من والدتها وقالت

بتول :-ايه يا ماما هنفضل واقفين كده كتير أنا جعانه اوى هموت من الجوع

ابتسمت لها وقالت بسعاده

فاتن:-ده أنا عامله ليكى حته صنية مكرونه بالبشاميل هتاكلى صوابعك وراها

صفقت بسعاده وقالت

بتول :-حلاوتك يا ام بتول يلا بينا جوعتينى

وصعدوا سريعا إلى الأعلى نظرت إلى صورة والدها على الحائط اقتربت منها بحزن شديد قامت بالتحيه العسكريه وابتسمت لها ابتسامه منكسره وقالت