الخاطبة بقلم دودو محمد

“الخاطبه”

الجزء الاول”

-صباح الخير يا مدام دلال

قالتها فتاة فى منتصف الثلاثينات وهى تجلس على المقعد المقابل لأحدى السيدات

ابتسمت لها ابتسامه مجامله وإشارات لها برأسها بترحاب وقالت بتساؤل

-صباح النور يا بنتى ها عريس لمين ليكى ولا لحد تانى

حركت رأسها بأحراج وقالت

-لا، ليا طبعا

نظرت لها من الاعلى إلى الاسفل وقالت بتساؤل

-عايزه العريس مواصفاته ايه بالظبط

تنحنحت بأحراج وقالت

-ا ا اى حاجه مش فارقه المهم أنه يكون راجل ويتقى ربنا فيا

تكلمت بتساؤل حتى تبحث لها عن ما تريد وقالت

-بنت بنوت ولا متجوزه قبل كده

ردت عليها سريعا وقالت

-لا لا لا بنت بنوت متجوزتش قبل كده اتخطبت مرتين ومحصلش نصيب

اومئ رأسها بتفهم وقالت بنبره جاده

-تمام سيبى رقم تليفونك ومبلغ تحت الحساب وان شاءالله يومين بالكتير وهنتصل بيكى

ابتلعت ريقها بتوتر وابتسمت لها بأحراج ونهضت من على مقعدها وقالت

-ا ا أن شاءالله منتظره تليفونك

خرجت سريعا من عندها ودفعت النقود عند أحد الأشخاص وغادرت المكان سريعا وبعد وقت وصلت المنزل وجلست على الأريكة بحزن شديد

خرجت والدتها من داخل المطبخ وقالت بتساؤل

-ها طمنينى عملتى ايه يا ساره

نظرت لها بضيق وقالت بصوت مختنق

ساره : روحت يا ماما ولسه جايه من عندها قالتلى ادفعى مبلغ تحت الحساب واسيب رقمى ويومين بالكتير هتتصل بيا

جلست بجوارها وتكلمت بتمنى وقالت

-ربنا يجعل فى وشك القبول يا بنت بطنى ويفرح قلبى بيكى

زفرت بضيق وقالت

ساره :هو كان لازم موضوع الخاطبه ده أنا كنت هموت من الاحراج وانا رايحه اطلب منها عريس ليا

ردت عليها بصوت مختنق وقالت

-يعنى احنا لاقينا حل تانى ومعملنهوش يمكن موضوع الخاطبه ده يجيب نتيجه وافرح بيكى قبل ما اقابل وجه كريم

انهمرت دموعها منها واحتضنة والدتها وقالت

ساره :بعد الشر عليكى يا ماما متقوليش كده أن شاءالله هتخفى وتبقى كويسه وتشوفى ولادى كمان

تكلمت بصوت منكسر وقالت

-يا عالم يا بنتى المرض ده محدش نجى منه وانتى سمعتى بودنك الدكتور قال ايه مافيش أمل أن اخف منه لأن الحاله متأخره علشان كده طلبت منك تتجوزى قبل ما اموت علشان اكون مطمنه عليكى