الخاطبة بقلم دودو محمد

-السلام عليكم مين معايا

أتاها صوت انوثى يقول لها

-انسه ساره ده مكتب الخاطبه دلال بتبلغ حضرتك أنها منتظراكى فى المكتب النهارده أن شاءالله

تنهدت بحزن وقالت

ساره :حاضر شويه وجايه

أغلقت الخط والقت الهاتف بجوارها نهضت بحزن شديد دلفة المرحاض وبعد وقت خرجت ارتدت ملابسها وخرجت من غرفتها واتجهت إلى غرفة والدتها طرقت على الباب ودلفة إلى الداخل اقتربت من فراشها وربت على كتفها بهدوء وقالت

-ماما يا ماما اصحى يا حبيبتى انتى نايمه لحد دلوقتى ليه

شعرت بقلق شديد أمسكت يدها وقالت بصوت مرتجف

-م م ماما ردى عليا م م ماما يا حبيبتى اصحى

حركت رأسها يمين ويسار وقالت بدموع

-ماما يا ماما انتى مش بتردى عليا ليه

امسكت هاتفها سريعا واتصلت بسيارة الاسعاف وجلست بجوارها وامسكت يدها وقالت من بين شهقاتها

-ارجوكى يا ماما ردى عليا اوعى تسبينى لوحدى فى الدنيا دى ماما ابوس ايدك ردى عليا طيب اقولك حاجه وافرحك مكتب الخاطبه اتصلوا بيا وقالوا إن فيه ميعاد مع العريس النهارده قومى يلا وافرحى هتجوز وهتشوفينى عروسه زى ما بتحلمى يلا بقى ردى عليا

ثم وضعت رأسها على صدرها وظلت تبكى

وبعد عدة دقائق وصلت سيارة الإسعاف واخذوا والدتها بالسياره وصعدت معهم وظلت ممسكه بيدها والدموع تتسابق على وجينتها وتنظر لها بقلق شديد لحظات مروا عليها كالدهر وصلت السياره امام المشفى وانزلوها سريعا منها ووضعوها داخل غرفة الفحص حضر الطبيب وبدأ يفحصها بملامح خاليه ظلت تتابعه بخوف وقلق شديد اقتربت منه بدموع وقالت بتساؤل

-خ خ خير يا دكتور ارجوك طمنى

نظر لها بشفقه وقال………..

………………………………………………………..

“الجزء الثانى”

نظر الطبيب بشفقه إلى ساره وقال

-انا اسف يا انسه والدتك حالتها متأخره جدا ونصيحه منى خديها فى بيتها احسن كده كده العلاج ملوش لازمه المرض اتملك منها ومافيش حاجه فى ايدينا نعملها علشان كده بقولك خديها فى بيتها بدل ما تتبهدل فى اخر أيامها

انهمرت منها الدموع بغزاره وقالت بترجى

ساره :ارجوك يا دكتور اعملها اى حاجه أنا مليش غيرها اديها علاج اعملها عمليه اى حاجه المهم انها تبقى كويسه وتعيش