الأقحوان القرمزي دودو محمد
الأقحوان القرمزي
مر عدة أعوام
هبطت زهرة وهى تحمل ابنتها على ذراعها بحثت عن زوجها بدر لكنها لم تجده وفى ذلك الوقت دوى جرس الباب تحركت بأتجاه الباب وقامت بفتحه جحظت عيناها بصدمه وقالت بغضب
-انت!! جاى هنا تعمل ايه!؟ وايه فكرك بينا بعد السنين دى كلها
نظر لها بحزن وقال بصوت منكسر
ياسين :تعبت يا زهره خلاص مبقتش قادر استحمل بعدكم عنى اكتر من كده ابنى كبر وبقى كل يوم يسألنى عنكم من كتر كلامى عليكم بقى هيتجنن ويشوفكم ابوس ايدك خلى بدر وبابا وعمتى يسامحونى
نظرت الاتجاه الآخر وقالت بصوت مختنق
زهره :انا مليش دعوه بالموضوع ده عندك اخوك وابوك وعمتك روح ليهم واطلب منهم السماح وهما حرين لو عايزين يسامحوك يسامحوك
تكلم سريعا وقال بترجى
ياسين :وانتى يا زهره مش ناويه تسامحينى اللى حصل حصل خلاص وكل واحد مننا فتح بيت وعايش سعيد مع اللى اختاره قلبه وفى الاول والاخير ده نصيب ربنا كاتبه محدش مننا ليه دعوه بكل ده
نظرت له وقالت بصوت هادئ
زهره :بالنسبالى أنا مسمحاك انت فى الاول و الأخر عم بنتى ومن حقها تعرفك وتشوفك وتتعرف على ابن عمها
اقترب منها وأخذ الطفله من على ذراعها ونظر لها بحب وقال بسعاده
ياسين :دى بنتك انتى وبدر اخويا
اومأت رأسها بأبتسامه وقالت
زهره :ايوه ريتال
قبلها بحب وقال
ياسين :الله اسمها حلو اوى ربنا يباركلكم فيها
وفى ذلك الوقت سمعوا صوت بدر الغاضب وهو يهتف على زهره
انتفضت مكانها ونظرت له بتوتر وقالت
زهره :ب ب بدر ا ا انت كنت فين !؟
اقترب منهم وأخذ ابنته من على ذراع ياسين بغضب ونظر نظره قاتله لزهره وقال بأمر
بدر :ادخلى جوه وحسك عينك اشوفك واقفه هنا تانى
اومأت رأسها بالموافقه وأخذت ابنتها وركضت سريعا إلى الداخل
نظر إلى ياسين بغضب وقال
-انت ايه جابك هنا مش قولتلك انسانا
امسك يده بترجى وقبلها بدموع وقال
ياسين :ابوس ايدك كفايه كده انت عمرك ما كنت قاسي عليا كده، طول السنين دى بطلب منكم السماح وانت رافض انا مش قادر اعيش من غيركم يا بدر بترجاك سامحنى اللى حصل خلاص بقى فى الماضى وربنا كرمك ببنوته زى القمر اهى معقول السنين دى كلها قلبك محنش ليا زى ما انا هتجنن عليك
نظر الاتجاه الآخر وقال بصوت مختنق
بدر :أمشى يا ياسين ومتجيش هنا تانى
جث على ركبتيه وقال من بين شهقاته
ياسين :ارجوك يا بدر كفايه متعملش فيا كده انا مش قادر اعيش من غيركم الدنيا صعبه اوى انتوا سندى وضهرى ومن غيركم أنا مسواش ابوس رجلك سامحنى يا اخويا
