الأقحوان القرمزي دودو محمد

وظل يبكى بشدة

نظر إلى شقيقه بحزن شديد وأمسك يده ارغمه على الوقوف واخذه داخل أحضانه وتمسك به بقوه وقال بصوت مختنق

بدر :واحشتنى اوى اوى يا ياسين

تمسك به بقوه وظل يبكى بأشتياق شديد وقال من بين شهقاته

ياسين :ياااااه يا بدر حضنك كان واحشنى اوى انا من غيرك ولا حاجه ربنا يخليك ليا وميحرمنيش من حضنك ده ابدا

امسك يده بدموع وظل يقبلها

ربت على ظهره بحنو وقال

بدر :النهارده عيد ميلاد ريتال بنتى هتم سنتين هات مراتك وابنك وتعالوا

نظر له بسعاده وقال بعدم تصديق

ياسين :بجد يا بدر يعنى خلاص سامحتنى

احتضنه بحب وقال بسعاده

بدر :انت ابنى يا عبيط ربنا يعلم حالتى كانت ازاى طول السنين اللى فاتت دى ، اوعى تكون فاكر أن مكنتش بطمن عليك وبعرف اخبارك اول بأول انا مهما قسيت عليك هتفضل ابن قلبى وهفضل احميك من الدنيا بحالها حتى من نفسك روح يلا هات مراتك وابنك وتعالى

قبل وجينته بسعاده وركض سريعا من أمامه

ظل يتابعه بسعاده حتى اختفى من أمام أنظاره اغلق الباب واتجه إلى غرفته دلف إلى الداخل اوصد الباب ونظر إمامه وجد زهره تجلس بغضب شديد اقترب منها وجلس بجوارها امسك يدها وقبلها بحب وقال

-متزعليش

أبعدت يدها بضيق وقالت

زهره :ابعد عنى ملكش دعوه بيا فاهم

امسك وجهها بين يديه ونظر بعينيها وقال

بدر :بحبك

نظرت له بضيق وقالت بغضب

زهره :ايوه كل بعقلى حلاوة ، تزعقلى من شويه ودلوقتى جاى تقولى بحبك

زفر بضيق وقال بتوضيح

بدر :اعمل ايه بس بحبك وبغير عليكى مش قادر انسي انك فى يوم من الايام كنتى بتحبى ياسين اخويا وكنتوا مخطوبين لبعض

وضعت رأسها على صدره وقالت بصوت هادئ

زهره :بس فى الاخر بقيت مراتك انت وفى حضنك دلوقتى وبقيت بعشقك وعيونى وقلبى مافيش غيرك فيهم بموت فيك يا ابو ريتال

حرك يده على ظهرها بحنو وقبل رأسها بحب وقال

بدر :بجد يا زهره بتحبينى !؟

نظرت له بأستغراب وقالت بعدم فهم

زهره :انت لسه بتسأل يا بدر معقول طول السنين اللى فاتت دى محستش بحبى ده، انت اجمل هديه بعتها ربنا ليا يمكن حبى ليك الاول كان متصورى على هيئة حب اخوى بس لما اتجوزنا عرفت أنه مكانش كده حبى ليك حب احتياج حب اطمئنان حب سند وضهر حب ارتياح حب ليه معانى كتير بس وقتها مكنتش فاهمه كل ده

ثم اقتربت له اكثر وقالت بصوت حنون

-الاول كان حبى ليك مجرد حب إنما دلوقتى انا بعشقك