حب قيد المراجعة دودو محمد

تكلم بصوت مختنق وقال

حاتم :-حط خيبتك على خيبتى الولد الوحيد اللى عندى اتجوز وقرر يكون عنده شركه مستقره لنفسه ورمى الحمل كله على أخته الكبيره

رد عليه بسعاده وقال

جلال :-بس ماشاءالله على بنتك ماشيه على نهجك فى التجاره ويمكن كمان طورتها عن لما انت كنت فيها بس طبعها اصعب من طبعك بكتير اخده التجاره قفش مش زيك وزى كنا نتنافس بالنهار واخر اليوم نسهر ونضحك مع بعض طول الليل

تنهد بضيق وقال

حاتم :-بس للاسف ده جاى على حساب حياتها، عمرها بيجرى منها وهى مش حاسه كل ما يجى عريس ليها ترفضه، رافضه موضوع الارتباط ده نهائى

تكلم بنفاذ صبر وقال

جلال :-محدش مرتاح كله بيبكى على ليلاه لا ولد مريح ولا بنت مريحه

رد عليه سريعا وقال

حاتم :-جلال أنا عايز اقابلك ما تجيب ام فريد وتعالوا اتعشوا معانا النهارده

نظر إلى حنان وقال

جلال :- نيجى نتعشى عندك فى الفيلا النهارده؟؟ مش عارف رأى ام فريد ايه اهى قصادى

اومأت رأسها بالموافقه وقالت

حنان :-معنديش مشكله ده حتى الولاد واحشونى بقالى كتير اوى مشوفتهمش

رد عليه بالتأكيد وقال

جلال :-ام فريد معندهاش مشكله بليل أن شاءالله هنكون عندك

تكلم بسعاده وقال

حاتم :-وانا فى انتظاركم متتأخروش بقى سلام

اغلق الخط معه ونظر إلى حنان وقال بأشتياق

جلال :-واحشتنى أيام ما كنا بنتجمع ونسهر مع بعض طول الليل الشركه اخدت مننا اسعد اوقاتنا كنا طول الوقت نقضيه كلنا كأسره واحده ومراته ساره الله يرحمها تعمل لينا الاكل بأيديها والاولاد تلعب قصادنا فى الجنينه يااااه هو ازاى العمر جرى بينا بسرعه كده

اومات رأسها بالتأكيد وقالت

حنان :-العمر مر بينا كأنه لحظه واحنا مش دارين يا جلال

امسك يدها بحب وقال

جلال :-بس انتى اجمل ما فى عمرى اللى راح وعمرى اللى جاى

قبل يدها بحب وقال

-هدخل اريح شويه لحد ما الليل يجى

ثم نهض من على مقعده واتجه إلى غرفته.

…………………………………………………………..

“البارت 3”

جلس اكرم على مقعده أمام المكتب الخاص به وظل يتابع عمله بأهتمام شديد وفى ذلك الوقت سمع صوت طرقات على الباب أذن له بالدخول دلف السكرتير ونظر له وقال