حب قيد المراجعة دودو محمد
جلال :-هات الحبايه بتاعتى بسرعه من جيب الجاكت
ركض سريعا وأخذ الحبوب من جيب المعطاف وعاد مره اخرى وضعها بفم جلال وظل يتابعه بترقب وبعد وقت انتظمت دقات قلبه تنهد بأرتياح وقال بتساؤل
اكرم:-عامل ايه دلوقتى يا عمى
اومأ رأسه بأرتياح وقال
جلال :-الحمدلله يا ابنى احسن دلوقتى، مين قالك تيجى
رد عليه بضيق وقال
اكرم :-فريد يا عمى اتصل بيا وقالى الحقك علشان تعبت وانت بتكلمه
اعتدل على مقعده وقال بصوت منكسر
جلال :-الشركه بتروح مننا يا اكرم تعبنا طول السنين اللى فاتت دى علشان نكبر اسمها هيروح على الفاضى
زفر بضيق وقال
اكرم:-مش بالسهولة دى يا عمى احنا تعبنا فيها ومش هسمح أنها توقع مهما كلفنى الأمر انشالله لو عمرى
ثم اقترب منه وأمسك يده وقال بنبره حنونه
-تعالى اروحك يا عمى ارتاح النهارده فى الفيلا بلاش تكمل اليوم علشان صحتك
اومأ رأسه بالموافقه وقال
جلال :-عندك حق يا اكرم انا مش هقدر اكمل النهارده
نهض معه من على مقعده وأسند على عكازه تحرك خارج الغرفه دلف المصعد وهبط إلى الأسفل تحرك بكل هيبه وصعد سيارته من الخلف وصعد اكرم امام المقود وتحرك بها سريعا إلى الفيلا.
……………………………………………………………….
استيقظت فريده من نومها على صوت طرقات على باب غرفتها زفرت بضيق ونهضت من على فراشها واتجهت إلى الباب وقامت بفتحه وقالت بصوت جاد
-خير عايزه ايه
دفعتها من أمامها ودلفت إلى الغرفه وقالت
هند :-اوعى كده من وشى
وجلست على السرير وقالت
-هو انا تحت مزاجك يا اختى بعتالى رساله من امبارح بتقوليلى اجى ليكى هنا قبل ما اروح الشركه ولما جتلك بتسألينى خير هو أنا طول ما بصتبح بوشك هشوف خير ابدا
دفعت الباب بغضب وقالت بنفاذ صبر
فريده :-انا اللى غلطانه معملتش حساب صداعك ده على الصبح
ردت عليها سريعا وقالت
هند :-انطقى عايزه منى ايه على الصبح
نظرت لها نظره مطوله وتحركت بأتجاه خزانة الملابس الخاصه بها أخرجت منها بعض الأوراق المهمه واعطتها لها وقالت بصوت جاد
فريده :-تخدى الورق ده وتطلعى بى على مصلحة الضرائب دلوقتى ضرورى خلى بالك على الورق ده يا هند
