حب قيد المراجعة دودو محمد
فريده :-الشركه المنافسه لينا فيه احتمال يشهروا إفلاسها الشهر الجاى لأنها بتمر بمأزق مالى بعد اللى حصل فيها والخساره الكبيره اللى حصلت ليهم
رد عليها بعدم فهم وقال بتساؤل
حاتم :-تقصدى شركة مين
تكلمت سريعا وقالت
فريده :-شركة الجلال يا بابا بتاعة انكل جلال
نظر لها بصدمه وأخذ منها الهاتف حتى يقرأ الخبر وقال بحزن شديد
حاتم :-انتى متأكده من الكلام ده يا بنتى
اومأت رأسها بعدم معرفه وقالت
فريده :-معرفش أنا شوفت الخبر ده فى كذا جريده واعتقد لو كان غلط كان خرج حد منهم كدب الخبر ده
امسك الهاتف الخاص به سريعا وقال
حاتم :-خدى يا فريده اتصالى بعمك جلال خلينى اتأكد منه شخصيا
امسكت الهاتف وضعته على الطاوله وقالت بعدم رضا
فريده :-لا طبعا يا بابا متتصلش بى أنا شايفه أن دى فرصه كويسه لينا
رد عليها بعدم فهم وقال
حاتم :-فرصه كويسه لينا ازاى مش فاهم
إجابته بتوضيح وقالت
فريده :-هبعت ليهم مندوب من عندنا يقدم ليهم عرض مغرى ونستحوذ على الشركه ونضمها لخطوط الانتاج الخاصه بينا وبكده يبقى ضفنا اسم كبير معانا زى اسم الشركه دى وفى نفس الوقت ساعدنا انكل جلال فى الازمه اللى هو فيها دى بصفته أن هو صديق عمرك وصديق كفاحك من وانتم صغيرين
حرك رأسه بالرفض وقال
حاتم :-جلال مش هيرضى بكلامك ده أنا اكتر واحد عارف هو تعب قد على الشركه دى وغاليه اوى عنده ومش بسهوله كده هيتنازل عليها
ابتسمت بعدم اهتمام وقالت
فريده :-هو مجبور يا بابا غصب عنه هيوافق على العرض بتاعنا وفى تلك الحالتين احنا الاتنين مستفدين ده بزنس يا حبيبى ملوش علاقه بصداقه ولا غيره انتوا نفسكم طول عمركم اصدقاء بس كان فيه ما بينكم منافسه
تكلم سريعا وقال
حاتم :-منافسه شريفه يا بنتى وده اللى وصل الشركات دى لأعلى مستوى فى العالم كله
نهضت وقالت بأصرار
فريده :-والله يا بابا حضرتك اللى علمتنى كده أن البزنس والمصلحه اهم من اى حاجه وانا شايفه أن دى مصلحه لينا وهينقل الشركه فى حته تانيه خالص انا هعمل زى ما قولتلك
ثم قبلته بحب وقالت
-سلام أنا بقى هروح الشركه بااااى
وخرجت مسرعه صعدت السياره واغلق السائق باب السياره وصعد امام المقود واتجه إلى الشركه.
